સુંદરગઢથી બિયરની ખેપ મારવા જતા પોલીસનો ભેટો થતાં આરોપીઓ બાઈક મુકીને ભાગ્યા
હળવદના સુંદરગઢમા દેશીદારૂની પર પોલીસની કાર્યવાહીના પગલે મોટાભાગના ધંધાઓ બંધ થઈ ચુક્યા છે પરંતુ હવે બૂટલેગરો ભઠ્ઠીઓ બંધ કરીને અંગ્રેજી દારૂ, બિયરના વેપલામાં ઝંપલાવ્યું હોય તેવું લાગી રહ્યું છે જેમાં પોલીસને મળેલી માહિતી મુજબ સુંદરગઢની વનારકી સીમમાંથી રમણીક ઉર્ફે બુધો અવચરભાઈ શિપરા અને કરશન ચંદુભાઈ બહાપિયા મોટરસાયકલમા જથ્થો ભરીને ગામ તરફ આવવાનાં છે જેમાં પોલીસે વોચ ગોઠવીને મોટરસાયકલ ઉભાં રાખવાનો ઈશારો કરતા બંને આરોપીઓ નાશી છુટતા પોલીસે GJ 36 AG 3232 મોટરસાયકલ કિંમત 50 હજાર ,GJ 36 H 3131 કિંમત 30 હજાર અને બિયરના ટીન 180 કિંમત 23449 મળીને કુલ 1 લાખ 3 હજારથી વધુ મુદ્દામાલ કબજે કરી નાશી છુટેલા બને આરોપીની શોધખોળની કાર્યવાહી હાથ ધરી છે. આ રેડમા દેવુભા ઝાલા, હરવિજયસિહ ઝાલા, વનરાજસિંહ રાઠોડ, સંજયભાઈ લકુમ સહિતના જોડાયા હતા.
